Пайдалы модельдер кейде шағын өнертабыстар деп аталады. Өнертабысқа қарағанда пайдалы модельге "өнертабыстық деңгей"патентке қабілеттілік критерийіне сәйкестік талабы қойылмайды. Бұл кез келген құрылғы пайдалы модель деп танылуы мүмкін дегенді білдіреді.
Пайдалы модельге кез келген саладағы өнімге (құрылғыға, затқа, микроорганизмдердің штаммына, өсімдіктер немесе жануарлар жасушаларының дақылдарына), тәсілге (материалдық құралдардың көмегімен материалдық объектіге іс-қимылды жүзеге асыру процесіне), сондай-ақ адамдар мен жануарларды емдеудің диагностикалық, терапиялық және хирургиялық тәсілдерін қоспағанда, белгілі өнімді немесе тәсілді жаңа мақсат бойынша не жаңа өнімді белгілі мақсат бойынша қолдануға қатысты техникалық шешімдер жатады.

Пайдалы модельге құқықтар Қазақстан Республикасының Патент заңына сәйкес жүргізілетін сараптама нәтижелері бойынша берілетін патентпен қорғалады.
Патент Өнеркәсіптік меншік объектісіне басымдықты, авторлықты және айрықша құқықты куәландырады.
Пайдалы модельге Патент өтінім берілген күннен бастап бес жыл бойы қолданылады. Оның қолданылу мерзімі патент иеленушінің өтініші бойынша, бірақ үш жылдан аспайтын мерзімге ұзартылуы мүмкін.